آخرت کا ٹھکانا جنت اور جہنم



جن لوگوں نے اپنے رب کی دعوت قبول کرلی ان کے لئے بھلائی ہے اور جنہوں نے اسے قبول نہ کیا وہ اگر زمین کی ساری دولت کے بھی مالک ہوں اور اتنی ہی اور فراہم کر لیں تو وہ خدا کی پکڑ سے بچنے کے لئے اس سب کو فدیہ میں دے ڈالنے پر تیار ہو جائیں گے
یہ وہ لوگ ہیں جن سے بری طرح حساب لیا جائے گا اور ان کا ٹھکانہ جہنم ہے، جو کہ بہت ہی برا ٹھکانہ ہے۔


نصیحت دانشمند لوگ ہی قبول کرتے ہیں اور ان کا طریقہ کار یہ ہوتا ہے کہ اللہ تعالی کی ساتھ اپنے عہد کو پورا کرتے ہیں۔ اور اپنے عہد کو ایک بار پکا کرنے کے بعد اسے توڑنے نہیں دیتے۔

ان لوگوں کی ہر ٹائم یہ کوشش ہوتی ہے کہ اللہ تعالی نے جن جن روابط کو برقرار رکھنے کا حکم دیا ہے ان کو برقرار رکھیں۔
اور اپنے رب سے ڈرتے رہیں۔ اور اس بات کا خوف ان کے دل میں ہمیشہ رہے کہ کہیں ان سے بری طرح حساب نہ لیا جائے۔ 

یہ لوگ نماز قائم کرتے ہیں
اپنے رب کے دئیے ہوئے رزق میں سے اعلانیہ اور پوشیدہ خرچ بھی کرتے ہیں
اور برائی کو بھلائی کے ذریعے ختم کرتے ہیں۔
اپنے رب کی رضا کے لیے صبر بھی کرتے ہیں۔

آخرت کا گھر ایسے ہی لوگوں کے لیے ہے۔


باقی رہ گئے وہ لوگ جو اللہ تعالی کے عہد کو مضبوط باندھنے کے بعد اسے توڑ دیتے ہیں۔ اور ان رابطوں کو کاٹتے ہیں جن کو اللہ تعالی نے جوڑنے کا حکم دیا ہے۔ اور زمین میں فساد پھیلاتے ہیں۔ یہ وہ لوگ ہیں جن کے لئے آخرت میں برا ٹھکانہ ہے۔

0 Comments: